www.elmasry.net

يشمل جميع الهويات
 
البوابةالرئيسيةالتسجيلدخول

شاطر | 
 

 يوميات منى و احمد فى الصحوبيه...اخر البنات المحترمات

اذهب الى الأسفل 
كاتب الموضوعرسالة
الملاك البرئ

avatar

الجنس : انثى
المساهمات : 639
العمر : 29
السمعه : 0
النقاط الذهبيه : 746
تاريخ التسجيل : 05/07/2009

مُساهمةموضوع: يوميات منى و احمد فى الصحوبيه...اخر البنات المحترمات   الأربعاء فبراير 24, 2010 10:09 pm

الحلقه الاولى


المكان : كلية تجارة بأي جامعة في اي مكان في مصر
الوقت :اول يوم في الدراسة
الشخصيات:
احمد امام : "سقيط كبير" شاب في الثالثة والعشرين ولازال في السنة الثالثة بالكلية.
مني ممدوح : فتاة في الثامنة عشرمدللة والديها صغيرتهم بعد شابين يكبرانها سنا في أول سنة لها بالجامعة, فتاة جميلة محجبة.
كريم : صديق احمد بالسنة الرابعة وهو طبعا اصغر من احمد.
شيرين : صديقة كريم واحمد ,بالسنة الثالثة , قريبة لمني من بعيد.
********************
حديث يدور بين شابين يدخنان في الكافيتيريا في الكلية وهو مكان يكشف بقية ساحة الكلية
احمد وهو يلتفت بجسده وعينيه خلف فتاة تسير امامه نافثا دخان سيجارته
احمد: الدفعة الجديدة شكلها جامد مووووت.
كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي قبلها والي بعدها ,وياتري بقي انت ناوي تنجح السنة ولا زي كل سنة.
احمد: ايه السيرة الغم دي , النهاردة اول يوم , خليك خفيف كده عشان احبك.
كريم: يييييييه اهي شيرين وصلت هخلع انا بقي عشان دي جايه كمان ومعاها واحدة صاحبتها.
كاد احمد ان "يخلع" مع كريم ولكنه رأي ان الفتاة التي مع شيرين من الدفعة الجديدة , ورأي أن من واجبه كأقدم واحد بالكلية ان يستقبل الدفعة الجديدة التي طبعا كانت حلوة ورقيقة.
*********************
مني: انا خايفة يا شيري اني ميبقاليش اصحاب في الكلية.
شيرين: اهي دي بقي اخر حاجة ممكن تقلقك في مكان زي ده , دا احنا هنا بنقول هنودي الاصحاب فين .
مني: لا ياستي بقولك ايه انا ماليش في الشلل , انا مبحبش قعدة البنات مع الصبيان , انا اخواتي قالولي......
شيرين: ياادي اخواتك الي عاملينلك وش في دماغك , يابنتي هنا عادي , الدنيا كلها اصحاب في بعض , انتي مش كان ليكي اصحاب صبيان في المدرسة.
مني: ايوة , بس كلهم اصحابنا وجيراننا من زمان ومفيش منهم خوف لانهم كانو مصاحبين صاحباتي, وبعدين انا مكنتش برضه معاهم اوي انا مبحبش الجو ده.
شيرين بصوت خافت: انا قلت برضه انتي هتتعبيني.
ثم بصوت عالي : ايه ده كريم وايمو اهم .......هااااااي.
مني تصيح وهي تحاول اللحاق بشيرين التي توجهت نحو الشابين : انتي رايحة فين؟ مش كنا هنجيب الجدول بتاعي؟.
*******************
اقتربت الفتاتان من احمد لان كريم كان قد غادر , عدل احمد من هندامه كما يفعل كلما قابل وجه جديد
ضربت شيرين بكفها علي كف احمد وهي تقول:
شيرين : ايمووو انت فين ياراجل .
رد عليها برتابة: في الدنيا هكون فين يعني ؟
شيرين :ايه الغلاسة دي وبعدين كريم ماله كده جري زي الي عليه فلوس لحد .
احمد: اصله افتكر واحد صاحبه كان مستنيه .
شيرين : اه.
احمد بتسبيل : مش تعرفينا .
شيرين : لا مش هعرفك ,مش سكتك خالص على فكرة .
شعرت مني بالحرج من الكلام الذي يدور وحاولت ان ترد بأي شيء فصمتت
اخرجت شيرين تليفونها المحمول وطلبت رقماً:
شيرين: ايوه يا واطي ..... جريت ليه اول ما شفتني ........يا راجل ...
ومدت برجليها بعيدا قليلا عن احمد ومنى
احمد: انتي بقي سنة اولي ؟
احمد في رأسه* اكيد والا كنت شفتك .
منى بخجل :اه
منى في رأسها *يوه يا شيرين خلصي بقي.
احمد: معاكي الجدول ولا اجيبهولك .
مني وقد ارتبكت : لا ... ماهي شيرين هتيجي معايا... يعني ..هنشوفه .
احمد: طب استني خليكي هنا.
وانطلق كالصاروخ مغادرا اياها ,في نفس الوقت الذي انهت فيه شيرين المكالمة
شيرين:الله؟ فين الواطي التاني؟
منى : معرفش , قالي استني وجري و بعدين امسكى لسانك شويه ..

شيرين: منى خاليكى كول يا ماما مفيهاش حاجه بلاش تحبكيها الحاجات دى دلوقتى مبقتش عيب سيبك دلوقتى قوليلى هو قالك انه راجع ولا قال ايه؟
منى: مقالش حاجة يلا نمشي بقي.
شيرين : لا استني اهه, ماله بيجري كده ليه ؟
وصل احمد لاهثاً ومد يده بورقة الي مني
احمد: اتفضلي يا ستي , جدول سنة اولي.
نزعت شيرين الورقة من يده وهي تجذب يد منى بعيدا
شيرين: متشكرين يا سيدي , بس ريح نفسك , قلتلك مش سكتك .
اعترض طريقهم قبل ان تغادرا
احمد : ايه ايه , رايحين فين ؟
شيرين : انت مش جبت الجدول , يلا باي بقي البنت جديدة وهلففها في الكلية.
تجاوزتاه وهو يتابعهما ببصره قائلا
احمد : اجي معاكو.
شيرين تهتف وهي تجر مني ورائها جراً
شيرين : لا شكراً.
ظل احمد يتابعهما ببصرة وهو يقول في نفسه
*ودي مين دي يعني الي شيرين خايفة عليها اوي كده؟؟؟ , هتكون تفرق ايه عن البنات التانية؟؟؟.
مني وهي تكاد تركض خلف شيرين , التي انطلقت وكأن كلب يجري خلفها
*ودا مين دا يعني الي شيرين خايفه عليا منه اوي كده , هي مش كانت بتقولي الناس هنا كلهم اصحاب عادي؟؟؟

تابعوها............. و يا رب تعجبكم
الرجوع الى أعلى الصفحة اذهب الى الأسفل
ملاك
نائب admin
avatar

الجنس : انثى
المساهمات : 1141
العمر : 27
السمعه : 6
النقاط الذهبيه : 1676
تاريخ التسجيل : 17/08/2009

مُساهمةموضوع: رد: يوميات منى و احمد فى الصحوبيه...اخر البنات المحترمات   الخميس فبراير 25, 2010 2:15 pm

الرجوع الى أعلى الصفحة اذهب الى الأسفل
الملاك البرئ

avatar

الجنس : انثى
المساهمات : 639
العمر : 29
السمعه : 0
النقاط الذهبيه : 746
تاريخ التسجيل : 05/07/2009

مُساهمةموضوع: رد: يوميات منى و احمد فى الصحوبيه...اخر البنات المحترمات   الخميس فبراير 25, 2010 2:41 pm

ميرسى ياقمراياعلى مرورك
وانتظرو الحلقات القادمة
الرجوع الى أعلى الصفحة اذهب الى الأسفل
LOVE_STORY
مشرف عام
avatar

الجنس : انثى
المساهمات : 2304
العمر : 23
السمعه : 1
النقاط الذهبيه : 2457
تاريخ التسجيل : 13/10/2008

مُساهمةموضوع: رد: يوميات منى و احمد فى الصحوبيه...اخر البنات المحترمات   الجمعة فبراير 26, 2010 10:59 am

حلوووووووووووووووووة اوووووووي ياقمر
تقبلي مرووووووووري
الرجوع الى أعلى الصفحة اذهب الى الأسفل
الملاك البرئ

avatar

الجنس : انثى
المساهمات : 639
العمر : 29
السمعه : 0
النقاط الذهبيه : 746
تاريخ التسجيل : 05/07/2009

مُساهمةموضوع: رد: يوميات منى و احمد فى الصحوبيه...اخر البنات المحترمات   الجمعة فبراير 26, 2010 11:37 am

نورتينى ياقمرايا
الرجوع الى أعلى الصفحة اذهب الى الأسفل
 
يوميات منى و احمد فى الصحوبيه...اخر البنات المحترمات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.elmasry.net :: 

@ اعرف ازاى تحب بجد @ :: 

@ قسم القصص والرويات @

-
انتقل الى: